ХУД-ийн Эрүүл мэндийн төвөөс стандарын дагуу дүүргийн хэмжээнд 15 шинжилгээний цэгийг нээсэн бөгөөд үүнээс Яармаг салбар амбулатори, 18 дугаар сургууль, 7 дугаар сургууль, 52 дугаар сургууль гэсэн дөрвөн цэг нь ойрын болон дам хавьталтай иргэдээс шинжилгээ авахаар бэлтгэсэн цэгүүд юм.

Коронавируст халдварыг илрүүлэх шинжилгээний цэг нь орох гарах урсгал, тусгаарлах байр, шар бүс, улаан бүс, ногоон бүс зэрэг халдвар хамгааллын чанд нарийн стандарын дагуу зохион байгуулсан байх учиртай тул дурын байрлалд шинжилгээний цэг нээх боломжгүй.  

Хан-Уул дүүргийн хэмжээнд эрсдэл өндөртэй бүсүүдэд ойрын болон дам хавьталтай иргэдийг сорьцын шинжилгээнд шуурхай хамруулах үүднээс “Буянт-Ухаа спорт цогцолбор” ордонд дахин шинэ цэгийг тохижуулан нээжээ