Сонгуулийн тухай хуулийн зарим заалт Үндсэн хууль зөрчсөн эсэх маргааныг хянан хэлэлцэнэ

Монгол Улсын Үндсэн хуулийн цэцийн дунд суудлын хуралдаан 2020 оны арванхоёрдугаар сарын 23-ны өдөр болно.

Хуралдаанаар Монгол Улсын Их Хурлын сонгуулийн тухай хуулийн 35 дугаар зүйлийн /Нэр дэвшигчийн үйл ажиллагааны баталгаа/ 35.2.1 дэх заалтын зарим хэсэг Үндсэн хуулийн холбогдох заалтыг зөрчсөн эсэх маргааныг хянан хэлэлцэхээр товложээ.

Өмнө нь Үндсэн хуулийн цэц энэ маргааныг дунд суудлын хуралдаанаараа хэлэлцэхээр товлож байсан боловч бүх нийтийн бэлэн байдлын зэрэгт шилжсэнтэй холбоотойгоор хойшлуулсан билээ.

35 дугаар зүйл.Нэр дэвшигчийн үйл ажиллагааны баталгаа

35.1. Нэр дэвшигч өөрт шаардлагатай мэдээлэл, лавлагааг холбогдох байгууллагаас зохих журмын дагуу гаргуулан авч болно.

35.2.Зөрчил болон гэмт үйлдлийнх нь явцад, эсхүл хэргийн болон зөрчлийн газарт нотлох баримттай нь баривчилснаас бусад тохиолдолд нэр дэвшигчид холбогдуулан Сонгуулийн ерөнхий хорооны зөвшөөрөлгүйгээр эрүүгийн хэрэг хянан шийдвэрлэх болон зөрчил шалган шийдвэрлэх дараах ажиллагаа явуулахыг хориглоно.

Тодруулбал:

35.2.1.эрүүгийн хариуцлагад татах буюу эрүүгийн хэрэг үүсгэх, баривчлах, саатуулах, албадан саатуулах, цагдан хорих;
35.2.2.орон байр, албан тасалгаа, тээврийн хэрэгсэл болон биед нь үзлэг, нэгжлэг хийх
35.3.Нэр дэвшигчийн нэр төр, алдар хүндийг гутаан доромжилсон худал мэдээллийг нийтэд дэлгэх, ийм агуулга бүхий хэвлэмэл материалыг нийтэд тараах, эсхүл мэдээллийн хэрэгсэл, цахим орчин дахь олон нийтийн сүлжээгээр тараахыг хориглоно. гэж заасан байдаг байна. Эх сурвалж: Үндсэн хуулийн цэц

Цэцэн Г

Нийтлэгч

Сэтгэгдэл

Сэтгэгдэл оруулаагүй байна

Баян айраг ХХК-н үйл ажиллагааг 2 сарын хугацаатай зогсоожээ