21 хүнээс коронавирус илэрлээ Өчигдөр өдрийн 11:00 цагаас хойш 24:00 цагийн хугацаанд Улсын хэмжээнд 5807 хүнд коронавирусын шинжилгээ хийхэд 21 хүнээс коронавирус илэрчээ. Тодруулбал Баянзүрх дүүргийн нэгдсэн эмнэлэг, ХСҮТ-ийн батлагдсан тохиолдлын ойрын хавьтал болох 19 хүний давтан шинжилгээгээр илэрчээ. Хоёр тохиолдол нь гэр бүлийн хүн бөгөөд дам хавьтлууд үүсэж, зарим голомтын эх уурхайг тогтоогүй байна гэж эрүүл мэндийн яамнаас мэдээллээ. Тиймээс ард иргэдийн дунд шинж тэмдэггүй тохиолдол байхыг үгүйсгэхгүй учраас бүгд сонор сэрэмжтэй байхыг зөвлөв.