Монгол Улсын Ерөнхий сайдын ахалдаг Тогтвортой хөгжлийн үндэсний хороо 2022 оны 8-р сарын 11-ний өдөр хуралдлаа. Үндэсний хороогоор Засгийн газрын Ажлын хэсэг болон НҮБ хамтран боловсруулсан “Үндэсний санхүүжилтийн нэгдсэн стратеги”-ийн төслийг хэлэлцэн дэмжлээ. НҮБ-ын 2015 оны Ерөнхий Ассамблейн 69 дугаар чуулганаар санхүүгийн олон төрлийн эх үүсвэрийг Тогтвортой хөгжлийн зорилго (ТХЗ)-д хүрэхэд бүрэн дайчлахад чиглэсэн “Үндэсний санхүүжилтийн нэгдсэн стратеги” боловсруулахыг улс орнуудадзөвлөсөн байдаг. Монгол Улс нь Тогтвортой хөгжлийн зорилгод хүрэхэдшаардлагатай санхүүжилтийн эх үүсвэрийг нэмэгдүүлэх, санхүүгийн эх үүсвэрээ оновчтой чиглүүлэх, дайчлах зорилгоор “Үндэсний санхүүжилтийн нэгдсэн стратеги”-г боловсруулж буй дэлхийн 86 орны нэг юм.

Монгол Улсын Сангийн сайд бөгөөд Эдийн засаг хөгжлийн сайдын үүрэг хариуцагч, Үндэсний хорооны дэд дарга Б.Жавхлан хуралдааны нээж үг хэлэхдээ “Тогтвортой хөгжлийн зорилгод нийцсэн, үр дүнд чиглэсэн, жендэрийн мэдрэмжтэй төсөвлөлтийн арга зүйг нэвтрүүлэх, Өрийн тогтвортой байдлыг хангах, Шинэлэг, ногоон санхүүгийнхэрэгслүүдийг хөгжүүлэх, Байгаль Орчин Нийгэм Засаглал (БОНЗ)-ын тайлагналын стандартыг нэвтрүүлэх, Тогтвортой хөгжилд эерэг үр нөлөө бүхий хөрөнгө оруулалтын дэмжих зэрэг олон чухал арга хэмжээ энэхүү стратегид туссан” болохыг онцоллоо.

 Мөн НҮБ-ын Монгол дахь суурин зохицуулагч Тапан Мишра “Тогтвортой хөгжлийн зорилгыг хэрэгжүүлэх, санхүүжилтийн эх үүсвэрүүдийг уялдууланчиглүүлэх ажилд Монгол Улсын Засгийн газар манлайлан ажиллаж байгаад талархал илэрхийлэхийн зэрэгцээ цаашид хувийн хэвшил, орон нутгийн засаг захиргааны байгууллагууд болон хөгжлийн түншүүдийн үр дүнтэй хамтын ажиллагаа, түншлэл нь чухал ач холбогдолтой” гэдгийг хэллээ. 

Түүнчлэн Монгол Улс 2023 оны НҮБ-ын дээд түвшний уулзалтаар “Тогтвортой хөгжлийн зорилгын хэрэгжилтийн Үндэсний сайн дурын илтгэл”-ээ танилцуулахтай холбогдуулан Эдийн засаг, хөгжлийн дэд сайд С.Наранцогт тайлангийн бэлтгэл ажил болон Тогтвортой хөгжлийн зорилгын үндэсний зорилтот түвшин, шалгуур үзүүлэлтийг хорооны гишүүдэд танилцууллаа. Монгол Улсанхдугаар илтгэлээ танилцуулснаас хойш 4 жилийн дараа ийнхүү тогтвортой хөгжлийн зорилгын хэрэгжилтийн явцын үнэлгээгээ өндөр түвшний чуулганаар хэлэлцүүлэхээр ажиллаж байна.